My lewe ( 7 )

In my karige verstaan
van liefde
het ek steeds
ver en wyd gesoek
na liefde
se bestaan .

Het ek diep gevoel
( te diep
vir net een mens )
het ek lief gekry
( te lief
vir net een mens )
het ek seergekry
( veels te seer
vir net een mens ) .

Het ek meer
en harder probeer
soms as wat ek moes
(en in die proses
is my siel verwoes ) ,
het ek misluk
toe ek vir liefde
se houe moes koes .

Nou is daar weer hoop
nou is daar jy
en is my wens
dat jy geduldig sal wees
met my

want weet jy wat :
my siel se dor vlaktes
is maar wind-verwaai
en die lewe se loop
het my maar sonverskroei
en die trane wat soms
sommer net my oë volskiet
is ek wat soms
sommer net nog bietjie bloei .


( 20/04/2010 13h29 )